Cuireann an aip Breisiú Leap TFI ar do chumas do Chárta Leap TFI a bhreisiú ar an toirt, d'iarmhéid a sheiceáil, ticéid a bhailiú agus breathnú ar chomh gar is atá tú do do theorainn laethúil agus sheachtainiúil a bhaint amach.

Pleanálaí ó dhoras go doras is ea an aip Pleanálaí Turas TFI ina gcuirtear eolas faoi sheirbhísí, treoracha agus meastacháin ama ar fáil maidir le turas le haon soláthróir iompair phoiblí ceadúnaithe ar fud na hÉireann.

Tá an t-eolas fíor-ama ar fad a bhaineann le Bus Éireann, Bus Bhaile Átha Cliath, Go-Ahead Ireland, Iarnród Éireann agus an Luas ar fad ar an aip Eolas Fíor-ama TFI. Tá an t-eolas is deireanaí le fáil ar an aip, a chuidíonn leat do thuras a phleanáil go héifeachtúil.

Tríd an aip Seiceáil Tiománaí Tacsaí TFI, cuirtear ar chumas úsáideoirí seiceáil an bhfuil an fheithicil atá siad ar tí a fháil ar cíos cláraithe i gceart agus an bhfuil an ceadúnas cuí ag an tiománaí chun an fheithicil a thiomáint.

Tugtar eolas ar an aip Pleanálaí Rothair TFI ar na bealaí rothaíochta is fearr sa chathair i mBaile Átha Cliath, Corcaigh, Gaillimh, Luimneach agus Port Láirge de réir do chumas rothaíochta.