Ó Luan an 23 Meitheamh, déanfar an Bealach 280 Nasc Áitiúil TFI Chiarraí ón gCoireán go Cill Airne trí Chill Orglan a fheabhsú.
Tá an bealach feabhsaithe seo mar chuid den Phlean Soghluaisteachta Tuaithe Connecting Ireland, ar mórthionscnamh náisiúnta iompair poiblí é a d’fhorbair agus a mhaoinigh an tÚdarás Náisiúnta Iompair (ÚNI) mar chuid de Ghréasán Transport for Ireland (TFI).
Beidh seirbhís bhreise ar siúl anois ar Bhealach 280 ar maidin agus tráthnóna chun líon iomlán na seirbhísí laethúla fillte a mhéadú go 9 idir An Coireán agus Cill Orglan, agus 4 sheirbhís fillte ag síneadh go Cill Airne.
Leanfaidh an bealach feabhsaithe de sheirbhís buaic-ama a sholáthar do chomaitéirí chomh maith le nascacht le seirbhísí réigiúnacha bus agus iarnróid ag stáisiún Chill Airne agus naisc le Líonra Iompair Phoiblí TFI níos leithne.
Leanfaidh an bealach ón gCoireán go Cill Airne de bheith ceangailte le sráidbhailte agus ceantair ar nós Cathair Saidhbhín, Na Cealla, Gleann Beithe, Cill Orglan agus Lios an Phúca.
Ag labhairt dó roimh an seoladh, dúirt Bainisteoir Ginearálta Nasc Áitiúil TFI Ciarraí, Alan O’Connell: “”
“Tá áthas an domhain orainn feabhas a chur ar Bhealach 280 mar fhreagairt ar an éileamh méadaitheach ón bpobal áitiúil. Tá an-tóir ar an mbealach seo, agus cinnteoidh na seirbhísí breise go mbeimid in ann leanúint de bheith ag freastal ar riachtanais chónaitheoirí agus chuairteoirí araon. Is iontach tacaíocht chomh láidir sin a fheiceáil d’iompar poiblí, agus táimid tiomanta do roghanna taistil iontaofa, inrochtana agus inbhuanaithe a sholáthar ar fud an réigiúin.”
Le haghaidh faisnéis bealaigh agus tráthchláir, tabhair cuairt ar www.locallinkkerry.ie
Faigh tuilleadh eolais faoin bPlean Soghluaisteachta Tuaithe cúig bliana Connecting Ireland ANSEO
