Cad le déanamh nuair a bhuaileann taom titimis duine éigin – Titimeas Éireann

Bí ar an eolas faoi cad ba cheart a dhéanamh nuair a bhuaileann taom titimis duine éigin ar bhus, ar thram, ar thraein nó i dtacsaí

Mar thaca le Titimeas Éireann, is mian leis an ÚNI meabhrú don phobal nó do bhaill tionscail go bhfuil sé tábhachtach a bheith ar an eolas faoi na rudaí ar cheart a dhéanamh nuair a bhuaileann taom titimis duine éigin ar bhus, ar thram, ar thraein nó i dtacsaí.

Is mise Paul Guy. Is Stiúrthóir Margaíochta mé. Cosúil le 45,000 duine in Éirinn, tá titimeas orm.
Má bhuaileann taom titimis duine éigin cosúil liomsa, tomhais cén fhad a mhaireann sé, fan leo agus coinnigh sábháilte iad.
Chun tuilleadh eolais a fháil faoi thitimeas, tabhair cuairt ar www.epilepsy.ie

Is mise Lucy Prevo. Is mac léinn scannánaíochta mé. Cosúil le 45,000 duine in Éirinn, tá titimeas orm.
Má bhuaileann taom titimis duine éigin cosúil liomsa, tomhais cén fhad a mhaireann sé, fan leo agus coinnigh sábháilte iad.
Chun tuilleadh eolais a fháil faoi thitimeas, tabhair cuairt ar www.epilepsy.ie

Na rudaí ar cheart do dhuine a dhéanamh dá mbuailfeadh taom titimis duine éigin.

Tá trí fhocal thábhachtacha forbartha ag Titimeas Éireann ar cheart cuimhneamh orthu maidir le garchabhair le taom titimis, agus is éard atá iontu ná:

TOMHAIS, SÁBHÁILTE, FAN.

TOMHAIS

• Is é an chéad rud ar cheart duit a dhéanamh ná an taom titimis a THOMHAIS. Is é is cúis leis seo ná gur cheart glaoch a chur ar otharcharr má mhaireann taom titimis níos faide ná 5 nóiméad.

SÁBHÁILTE

Coinnigh an duine SÁBHÁILTE le linn an taoma titimis. Má bhuaileann taom tritheamhach titimis duine éigin, cosain ceann an duine le rud bog más féidir agus bain aon rudaí díobhálacha, e.g. troscán, dá dtimpeallacht. NÁ CUIR rud ar bith i mbéal an duine RIAMH agus ná cuir srian orthu le linn an taoma titimis.

• Bí ar an eolas go bhfuil cineálacha eile de thaom titimis, nach bhfuil tritheamh ag baint leo.
  Seachas sin, d’fhéadfadh sé go dtitfí támhnéal orthu, nó go mbeidís ag stánadh go folamh, nó go n-éireoidís trína chéile nó corraithe, go léireoidís comharthaí amhail cogaint, smeachadh béil, útamáil lena n-éadaí nó fánaíocht thart gan aird. Leis an gcineál sin de thaom titimis, bíonn athrú ar fheasacht an duine maidir lena dtimpeallacht agus tá sé tábhachtach an duine a threorú ó chontúirt ar bith.
  Ionann is taomanna tritheamhacha, ná cuir srianta le gluaiseachtaí an duine.

FAN

• Le linn an taoma titimis agus ina dhiaidh, FAN leis an duine. Is minic a bhíonn duine a bhfuil titimeas orthu trína chéile tar éis taom titimis agus, go minic, traochta. Bí cinnte go bhfanfaidh tú leo go dtí go dtagann siad ar ais chucu féin, mínigh dóibh cad a tharla agus cuir ar a suaimhneas iad.
  D’fhéadfadh sé gur gortaíodh an duine má thit siad, agus má thit, déan cinnte go dtugtar garchabhair dóibh

Tá tuilleadh eolais, cathain ba cheart glaoch a chur ar otharcharr san áireamh – ar fáil anseo