Tá an tÚdarás Náisiúnta Iompair (ÚNI) ar bís le Seachtain na Rothar 2025 a fhógairt, a bheidh ar siúl ón Satharn 10 Bealtaine go dtí an Domhnach 18 Bealtaine. Déanann an t-imeacht bhliantúil seo ceiliúradh ar na mórán buntáistí a bhaineann le rothaíocht le breis is 600 imeacht sceidealaithe ar fud na tíre. Ó ghníomhaíochtaí a oireann do theaghlaigh go rothaíocht oidhreachta, ceardlanna cothabhála, agus imeachtaí foghlama rothaíochta, tá rud ann a mbainfidh gach duine taitneamh as.
Tá gach ceann de na 31 limistéar údaráis áitiúil ag glacadh páirte i Seachtain na Rothar, agus imeachtaí eagraithe i gcomhar le comhpháirtíochtaí áitiúla spóirt.
Cuireann Príomhfheidhmeannach Eatramhach an Údaráis Náisiúnta Iompair, Hugh Creegan, béim ar thábhacht na seachtaine ag rá:
“Bhí rannpháirtíocht na n-údarás áitiúil agus na comhpháirtíochtaí spóirt áitiúla ar fheabhas arís i mbliana. Tá sé iontach an oiread sin imeachtaí a fheiceáil ar siúl ar fud na tíre.”
“Tá rud éigin ann do chách i ndáiríre, ó na féilte rothair teaghlaigh agus na rothair pobail go rothaíochta oidhreachta áitiúla agus glasbhealaí go himeachtaí na scoile. Mholfainn do gach duine a bheith páirteach ann.”
Tá raon leathan gníomhaíochtaí do gach aois agus cumas i gceist le Seachtain na Rothar. I measc bhuaicphointí na seachtaine beidh an ‘Paráid Rothaíochta Cumas Troitheáin’ a bheidh ar siúl ar fud chathair Bhaile Átha Cliath Dé Domhnaigh an 11 Bealtaine agus spreagtar rannpháirtithe gléasadh suas i dtéama na bliana seo Beacha agus bláthanna. Beidh ‘Turas Ealaíne Shráid Chathair Chorcaí’ ar siúl ar an 10 Bealtaine agus geallfaidh sé turas treoraithe ar chuid de na saothair is íocónacha sa chathair, agus cúpla seoid atá i bhfolach feadh na slí. Beidh ‘ócáid rothaíochta Glasbhealaigh Teaghlaigh Chairlinn’ ar siúl ar an 18 Bealtaine. Beidh seo ar fad agus go leor imeachtaí spreagúla eile ar siúl ar fud na tíre.
Faigh Amach Tuilleadh
Le fáil amach cad iad na himeachtaí a bheidh ar siúl i do chontae le linn Sheachtain na Rothar 2025, tabhair cuairt ar www.bikeweek.ie. Moltar do rannpháirtithe a gcuid taithí ar na meáin shóisialta a roinnt trí úsáid a bhaint as an hashchlib #BikeWeek agus ag clibeáil a n-údarás áitiúil agus Transport for Ireland @TFIUpdates.
