Ba mhian le Transport for Ireland (TFI), i gcomhpháirtíocht le Cumann Cathaoireacha Rothaí na hÉireann (CCRE) agus Madraí Treorach do na Daill in Éirinn (MTDI), feasacht a mhúscailt dár bhFeachtas Tosaíochta do Chathaoireacha Rothaí.
Ba chóir go mbeadh iompar poiblí inrochtana do chách — do chuid mhaith úsáideoirí cathaoireach rothaí, áfach, is minic a bhíonn níos mó i gceist leis an inrochtaineacht sin ná díreach dul ar bord. Braitheann sé ar an spás agus ar an am a thabhairt dóibh taisteal go sábháilte.
Má théann siad ar bord ar dtús, bíonn úsáideoirí cathaoireach rothaí in ann an spás sainithe do chathaoireacha rothaí a rochtain gan bhacainn ná moill.
I gcomparáid le paisinéirí eile, níl an tsolúbthacht ag úsáideoirí cathaoireach rothaí seasamh ná bogadh chuig suíochán eile. Is é an spás sainithe do chathaoireacha rothaí an t-aon áit ar bhusanna gur féidir leo taisteal go sábháilte. Nuair a bhíonn an spás lán le bagáiste, bugaithe nó paisinéirí ina seasamh, féadfaidh sin bac a chur ar dhuine turas a dhéanamh.
Ar fhlít nua busanna TFI, tá spás chun bagáiste a stóráil, spás sainithe d’úsáideoirí cathaoireach rothaí agus spás sainithe do bhugaithe.
Tá roghanna ag an gcuid is mó de phaisinéirí. D’úsáideoirí cathaoireach rothaí, is é an spás sin an t-aon rogha atá acu. Mar sin, le do thoil:
Bímis ag obair le chéile chun iompar poiblí a dhéanamh oscailte do chách.
Tá an feachtas seo in onóir Micheál Hughes.
