D’fhógair an tÚdarás Náisiúnta Iompair (ÚNI) gur féidir le paisinéirí a bhíonn ag taisteal i nDún na nGall a gcuid táillí a íoc anois ar sheirbhísí Nasc Áitiúil TFI trí úsáid a bhaint as íocaíochtaí cárta gan tadhall, tar éis don teicneolaíocht chuí a bheith tugtha isteach i Sligeach agus i Liatroim an 13 Feabhra.
Agus íocaíochtaí gan tadhall tugtha isteach, is féidir le paisinéirí cártaí dochair agus creidmheasa nó roghanna íocaíochta móibíleacha amhail Apple Pay agus Google Pay a úsáid anois, rud a shimplíonn an próiseas íocaíochta agus a fheabhsaíonn an t-eispéireas taistil ar an iomlán.
Bealaí le hÍoc ar Nasc Áitiúil TFI – Transport for Ireland
Tá an cur i bhfeidhm is déanaí sin bunaithe ar rath cruthaithe an chéad chláir phíolótaigh sa Chabhán agus i Muineachán, chomh maith leis na tionscnaimh a tugadh isteach le déanaí i dTiobraid Árann, Maigh Eo, Laois agus in Uíbh Fhailí. Tugadh isteach íocaíochtaí gan tadhall ar gach seirbhís Nasc Áitiúil TFI atá á hoibriú ag oifig Dhún na nGall, Shligigh agus Liatroma i Sligeach agus Liatroim an mhí seo caite, agus ciallaíonn cur leis na seirbhísí i nDún na nGall go bhfuil roghanna íocaíochta gan tadhall ar fáil anois ar an líonra iomlán atá á bhainistiú ag Nasc Áitiúil TFI DSL.
Tá íocaíochtaí gan tadhall ar fáil le haghaidh táillí aonturais. Leanfaidh táirgí táillí laethúla agus seachtainiúla de bheith ar fáil trí shuíomh gréasáin Leap agus Aip Leap Top‑Up TFI. Is féidir le paisinéirí leanúint orthu cártaí Leap TFI a úsáid agus airgead tirim freisin, agus tá Cártaí Saorthaistil bailí fós ar gach seirbhís incháilithe de chuid Nasc Áitiúil TFI.
Tá tabhairt isteach íocaíochtaí gan tadhall mar chuid de chlár leanúnach an ÚNI chun córais táillí iompair phoiblí ar fud na tíre a nuachóiriú, agus béim láidir ar inrochtaineacht, éascaíocht úsáide agus eispéireas an phaisinéara a fheabhsú, go háirithe i bpobail tuaithe agus réigiúnacha.
Dúirt Edmund Betagh, Bainisteoir Cláir Nasc Áitiúil TFI ag an ÚNI:
“Ó tharla go bhfuil íocaíochtaí gan tadhall curtha i bhfeidhm go rathúil i Sligeach agus i Liatroim an 13 Feabhra, tá áthas orainn an t-uasghrádú sin a leathnú go Dún na nGall anois. Is céim thábhachtach eile í sin chun soghluaisteacht tuaithe a neartú ar fud na tíre. Tá buntáistí soiléire léirithe ag gach céim den rolladh amach do phaisinéirí, agus cinntíonn an leathnú go Dún na nGall gur féidir le níos mó pobal fós taitneamh a bhaint as roghanna íocaíochta níos tapúla, níos simplí agus níos solúbtha agus iompar poiblí á úsáid acu.”
Dúirt Fiona O’Shea, Bainisteoir Ginearálta, Nasc Áitiúil TFI Dhún na nGall Shligigh Liatroma:
“Tar éis íocaíochtaí gan tadhall a thabhairt isteach i Sligeach agus i Liatroim an mhí seo caite, tá áthas orainn an t-uasghrádú céanna a thabhairt anois do sheirbhísí i nDún na nGall.” Tacaíonn an feabhsú sin lenár dtiomantas líonra iompair nua-aimseartha, dírithe ar an gcustaiméir, a sholáthar ar fud an réigiúin. Trí é a dhéanamh níos éasca agus níos áisiúla chun íoc, táimid ag cuidiú le húsáid níos mó a bhaint as iompar poiblí le haghaidh turais laethúla.”
Chun tuilleadh eolais a fháil faoi sheirbhísí Nasc Áitiúil TFI i nDún na nGall, i Sligeach agus i Liatroim, tabhair cuairt ar: locallinkdsl.ie – Nasc Áitiúil TFI DSL – TFI Local Link .
