Tá thart ar 263,000 páiste idir 5 agus 8 mbliana d’aois incháilithe anois don saorthaisteal ar gach seirbhís TFI
Sheol an tÚdarás Náisiúnta Iompair (ÚNI) inniu an Cárta Leap nua do Pháistí 5–8, rud a thugann rochtain saor in aisce do páistí idir 5 agus 8 mbliana d’aois ar iompar poiblí ar fud líonra TFI. Tá thart ar 263,000 páiste ar fud na hÉireann incháilithe anois don scéim taistil leathnaithe seo, ar féidir leo í a úsáid suas lena 9ú breithlá.
Beidh teaghlaigh in ann iarratas a dhéanamh ar an gcárta ó inniu, tríd an tairseach ar líne ag leapcard.ie
Is leathnú suntasach ar bheartas saorthaistil na hÉireann do pháistí é an Cárta Leap TFI nua seo. Cé go dtaistealaíonn páistí faoi bhun 5 bliana d’aois saor in aisce gan chárta cheana féin, bainfidh páistí idir 5 agus 8 mbliana d’aois a úsáideann an Cárta Leap TFI nua leas as an sochar céanna anois. Clúdaíonn an cárta gach seirbhís iompair phoiblí TFI, lena n-áirítear Bus Átha Cliath, Bus Éireann, Go-Ahead Ireland, Iarnród Éireann, agus LUAS.
Leis an gCárta Leap nua do Pháistí 5-8, beidh sé níos fusa do theaghlaigh turais inacmhainne a phleanáil, agus spreagann sé aistriú chuig taisteal níos inbhuanaithe agus níos nasctha ar fud líonra TFI.
Is céim ríthábhachtach é an tionscnamh seo, a fógraíodh den chéad uair i mBuiséad 2025, chun tacú le teaghlaigh trí chostais iompair a laghdú agus trí ghlacadh luath nósanna taistil inbhuanaithe a chur chun cinn. Léiríonn sé freisin tiomantas ÚNI don iompar poiblí a dhéanamh níos inrochtana, níos ionchuimsithí agus níos inacmhainne.
Ag labhairt dó faoin tionscnamh, dúirt an tAire Darragh O’Brien: “Comhlíonann an tionscnamh seo an gealltanas soiléir atá i gClár an Rialtais chun iompar poiblí a dhéanamh níos inacmhainne agus níos inrochtana do theaghlaigh. Tacaíonn an céim phraiticiúil bhríoch seo le tuismitheoirí agus le caomhnóirí ina ngnáthaimh laethúla, agus cuireann sé freisin lenár spriocanna níos leithne maidir le hastaíochtaí a laghdú, nascacht a fheabhsú, agus líonra iompair níos inbhuanaithe a chruthú don todhchaí.”
Dúirt POF eatramhach ÚNI, Hugh Creegan: “Is cloch mhíle thábhachtach eile inár gcuid oibre é tabhairt isteach an Chárta Leap do Pháistí 5–8 chun fíor-rogha tharraingteach do theaghlaigh a dhéanamh d’iompar poiblí.
“Is féidir le páistí an cárta seo a úsáid suas lena 9ú breithlá, rud a fhágann gur tacaíocht luachmhar é do theaghlaigh le linn na mblianta tosaigh sin. Táimid bródúil as tacú le hathrú a rachaidh chun tairbhe do theaghlaigh inniu agus a chuireann bunús le cultúr iompair níos inbhuanaithe amach anseo freisin.”
Interim CEO to the NTA, Hugh Creegan, added: “The introduction of the Child 5–8 Leap Card is another important milestone in our work to make public transport a real and attractive option for families.
“Children can use this card right up until their 9th birthday, making it a valuable support for households during those early years. We are proud to support a change that not only benefits families today but also builds the foundation for a more sustainable transport culture into the future.”
Chun tuilleadh eolais a fháil faoin bpróiseas iarratais agus faoin gCárta Leap do Pháistí 5-8, tabhair cuairt anseo.
