Oibríonn líonra TFI níos déanaí ná mar a cheapfá

I gCathair Bhaile Átha Cliath, mar chuid d’Athdhearadh Líonra BusConnects, tá 10 mbealach bus ag oibriú 24 uair sa lá, seacht lá na seachtaine. Tá sé sin sa bhreis ar na 12 sheirbhís ar tháillí laghdaithe ‘Nitelink’ a fhágann Lár na Cathrach agus a théann chuig bruachbhailte ar fud Bhaile Átha Cliath oícheanta Aoine agus Sathairn le linn tréimhsí éileamh níos airde sa Chathair.

Le trí bhealach 24 uair an chloig eile, nasctar Baile Átha Cliath le bailte agus sráidbhailte comaitéireachta san oirthuaisceart chomh fada le Droichead Átha, san iarthuaisceart chomh fada le Ceanannas agus san iarthar chomh fada le Port Laoise.

I gCathair Chorcaí, tá amchlár 24 uair an chloig á oibriú ag Bealach 220 (Bus Éireann) idir Baile an Chollaigh agus Carraig Uí Leighin (tríd an gCathair) ó 2019.

Cuireadh tús le seirbhís 24 uair an chloig ar Bhealach 343 (Bus Éireann) idir Cathair Luimnigh agus lár baile Shionainne agus Aerfort na Sionainne. Leis an tseirbhís sin, nasctar Sionainn agus Luimneach araon agus cuirtear seirbhísí iompair phoiblí áitiúla ar fáil laistigh de Bhaile Shionainne freisin.

Tá seirbhísí bus uirbeacha minice ann a oibríonn ó 6am go meán oíche i mbailte amhail Ceatharlach, Cluain Meala, Droichead Átha, Cill Chainnigh, Sligeach, agus an Uaimh.

Tuilleadh Eolais

Tá seirbhísí bus 24 uair an chloig breise beartaithe do Bhaile Átha Cliath, Corcaigh, Luimneach agus Gaillimh.

• Tá sé beartaithe seirbhísí 24 uair an chloig nua a thabhairt isteach le linn an chéad chéime eile de BusConnects Bhaile Átha Cliath, Croíbhealach-E.
• Tá sé beartaithe bealach bus 24 uair an chloig eile a chur ar fáil i gCathair Chorcaí ó Charraig Uí Leighin go Cnoc an Chuilinn, rud a chiallaíonn go mbeidh seirbhísí 24 uair an chloig ar fáil ón tuaisceart go dtí an deisceart agus ón oirthear go dtí an t-iarthar tríd an gCathair.
• Tá seirbhís bus 24 uair an chloig nua idir Ospidéal Ollscoile Luimnigh agus Ollscoil Luimnigh, trí Lár na Cathrach, beartaithe do Chathair Luimnigh.
• Tá seirbhís bus 24 uair an chloig nua idir Cnoc na Cathrach agus an Pháirc Mhór, trí Lár na Cathrach, beartaithe do Chathair na Gaillimhe.
• Tabharfar na seirbhísí isteach de réir a chéile mar chuid d’Athdhearadh Líonra BusConnects i ngach Cathair, faoi réir infhaighteacht leanúnach cistithe.
• Tá sé beartaithe ag ÚNI seirbhísí nua bus baile (lena n-áirítear seirbhísí déanacha tráthnóna) a thabhairt isteach i Muileann gCearr, Inis agus Leitir Ceanainn idir seo agus 2027. Tá sé beartaithe freisin uaireanta oibríochta a shíneadh nuair is féidir i mBaile Átha Luain, i nDún Dealgan agus i rith na seachtaine i gCill Chainnigh, faoi réir infhaighteacht acmhainní.