JAM Card

Dóibh siúd le deacracht foghlama, uathachas nó aon riocht orthu ina féidir go mbeidh bac ar chumarsáid, JAM Card d’úsáideoirí cur in iúl do dhaoine eile go dteastaíonn beagáinín ama breise uathu ar bhealach neamhbhriathartha simplí éifeachtach. Bíonn JAM Card úsáideach san iompar poiblí, i dtimpeallacht mhiondíola nó in aon timpeallacht chustaiméara eile. Is féidir JAM Card a úsáid ar sheirbhísí Transport for Ireland lena n-áirítear Bus Éireann, Bus Bhaile Átha Cliath, Go-Ahead Ireland, Iarnród Éireann, Nasc Áitiúil TFI agus Luas.

Cad is JAM Card ann agus cé dó é?

Tugann JAM Card deis do dhaoine le bac cumarsáide acu a rá le daoine eile go discréideach agus go héasca go bhfuil ‘Nóiméad amháin’ riachtanach dóibh.

Chruthaigh NOW Group an JAM Card©, carthanacht agus fiontar sóisialta a bhfuil an-chuid duaiseanna buaite aige a thacaíonn le daoine a bhfuil éagsúlachtaí foghlama agus uathachas orthu poist fhadtéarmacha a fháil in Éirinn.

Lorg tuilleadh eolais faoin JAM Card© ag www.jamcard.org.

Tá 3 rogha teachtaireachtaí ann le roghnú:

1) Bí foighneach liom, tá uathachas orm

2) Bí foighneach liom, tá míchumas/deacracht foghlama agam

3) Bí foighneach liom, tá riocht eile orm

Rachaidh an JAM Card chun tairbhe custaiméirí atá ag baint úsáide as an gcóras iompair phoiblí agus cinnteoidh sé go mbainfidh a laghad brú agus is féidir lena n-eispéireas.

Cá bhfaighidh mé JAM Card?

Tá slite difriúla ann JAM Card a fháil.

• Is féidir leat do JAM Card a fháil ó na hoibritheoirí thíos.
• Is féidir leat iarratas a dhéanamh ar cheann go díreach ón NOW Group ach cuairt a thabhairt ar shuíomh gréasáin JAM Card agus an fhoirm iarratais a chomhlánú.
• Nó más fearr leat gan cárta fisiciúil a úsáid, tá aip JAM Card ar fáil le haghaidh Android agus iOS. Tugann an aip deis duit do rogha teachtaireacht a roghnú, léirmheasanna a scríobh agus gnólachtaí eile a thacaíonn le JAM a aimsiú.