Tá seirbhís nua bus oíche á reáchtáil ar bhonn píolótach i Sligeach, Longfort agus Bun Cranncha.
The One @ One is ainm don tseirbhís. Beidh sé ar siúl go déanach san oíche ag dheireadh seachtaine faoi leith in 2026 agus tá sé mar aidhm ag an seirbhís é a dhéanamh níos fusa do dhaoine dul abhaile tar éis oícheanta taitneamhacha sa bhaile mór.
Tá an The One @ One ar bhonn píolótach deartha chun:
- Taisteal níos sábháilte agus níos éasca a chur ar fáil i ndiaidh titim na hoíche
- Cabhrú le daoine taitneamh a bhaint as oícheanta amuigh agus gan imní a bheith orthu faoi dhul abhaile
- Tacú le gnólachtaí áitiúla a fheidhmíonn sa tráthnóna agus san oíche
- Éileamh ar iompar poiblí oíche a thástáil i mbailte níos lú
Bealaí i ngach baile
Cuirfidh an tseirbhís déanach san oíche seo leis na bealaí Nasc Áitiúil atá ann cheana.
Tar éis comhairliúcháin leis an Údarás Náisiúnta Iompair:
- Tá sé beartaithe ag Nasc Áitiúil TFI Dhún na nGall Sligeach Liatroim leathnú a dhéanamh ar Bhealach 981 a oibríonn ó Chúil Áine go Sligeach.
- Tá sé beartaithe ag Nasc Áitiúil TFI Dhún na nGall Sligeach Liatroim leathnú a dhéanamh ar Bhealach 959 a oibríonn ón gCaisleán Nua go Leitir Ceanainn trí Bhun Cranncha.
- Tá sé beartaithe ag Nasc Áitiúil TFI An Longfoirt An Iarmhí Ros Comáin leathnú a dhéanamh ar Bhealach 865 a oibríonn ó Loch Gamhna go dtí an Longfort.
Cathain a bheidh teacht ar na seirbhísí bus
Beidh seirbhísí bus The One @ One ag imeacht go déanach oíche Dé hAoine, Dé Sathairn agus Dé Domhnaigh ar:
- Deireadh Seachtaine Saoire Bainc Mhí na Bealtaine– Aoine 1, Satharn 2 agus Domhnach 3 Bealtaine
- Deireadh Seachtaine Saoire Bainc Mhí an Mheithimh– Aoine 29, Satharn 30 agus Domhnach 31 Bealtaine
- Deireadh Seachtaine Saoire Bainc Mhí Lúnasa– Aoine 31 Iúil, Satharn 1 Lúnasa, Domhnach 2 Lúnasa
- Deireadh Seachtaine Saoire Bainc Mhí Dheireadh Fómhair– Aoine 23, Satharn 24 agus Domhnach 25 Deireadh Fómhair
- Oíche Chultúir – Aoine 18 Meán Fómhair
Cé dó a bhfuil an tseirbhís
Tá an tseirbhís le haghaidh? Gach duine ach go háirithe:
- Daoine atá ag baint sásamh as tráthnónta agus oícheanta amuigh
- Daoine atá ag obair ar shealanna déanacha
- Mic léinn agus aosaigh óga
- Aon duine a bhfuil bealach sábháilte agus iontaofa abhaile de dhíth orthu san oíche
Tá sí dírithe go háirithe ar thacú leis an nGeilleagar Oíche i ngach baile.
Sula dtaistealaíonn tú
Deimhneofar na sonraí seo a leanas sula gcuirfear an tseirbhís ar bun:
- Amchláir agus amanna imeachta deiridh
- Cineálacha ticéad agus praghsáil
- Eolas ar Rochtain
- Socruithe sábháilteachta agus slándála
Tabhair do bharúil faoin seirbhís seo atá á reáchtáil ar bhonn píolótach
Má úsáideann tú seirbhísí One @ One atá á reáchtáil ar bhonn píolótach, cabhróidh d’aiseolas chun cinneadh a dhéanamh maidir leis an leagan amach a bheidh ar chúrsaí iompair go déanach san oíche amach anseo.
Coinnigh súil amach don suirbhé ar bord nó glac páirt ar líne tar éis do thurais.
